الشاعر علي العرضاوي
الدنيا بلا صاحب تعيف حياها ** و لا أسف عل فرقاها ** الصّحبة ذهب في الصّايبة تلقاها
***
يصير لا أسف عليها ** بلا أصحاب تبدى آش يعجب فيها
بتموت كل النّاس و تخلّيها ** و ما يدوم فيها كانشي مولاها
و عيش الحياة بالباهية عدّيها ** و صاحب ذراري صاينة مبداها
***
موضوع الصّداقة عجبني ** فتح القريحة لشورها داعبني
انشق بحرها و لوكان بيتعّبني ** و قرّرت باش انعوم ندخل ماها
و وصف الصّداقة خايفه يغلبني ** نعجز انتمّم وصفها و معناها
***
قرّرت ندخل بابه** كما قصر نلقى كاثرات أبوابه
ثم باب فيه صحبة ولد و بابا ** و صحبة أبوّه فرض من مولاها
و لولاد لا كبروا بدو أصحابه ** و الأم تبدى بناتها رفقاها
***
لاكان ربي عانك ** و صاحبت ناس قراب من جيرانك
ايّاك راك توجعه بلسانك ** عليه الرسول و صايته خلّاها
حقّين منّك صونهم في زمانك ** حق جار و الصّحبة بدت معاها
***
باش البشر يتوالف ** وباش ينعدل الكون ما يتخالف
صحبة الرّاجل في طويل السّالف ** لحفظ النّسل يعمر الكون وراها
كما ليدين للمومن و بيها يوالف ** الصّحبة الشّريفة خالقي يرضاها
***
بابا المصالح جيته ** و جايب عليه الشّعر ما خلّيته
ثمّه الّي يصاحب عل مصالح ريته ** و بعد المصالح فرقتك مبهاها
احذر معاه القول لا لاقيته ** يبيع صحبتك لاكان حد شراها
***
بين خاطري و ما بيني ** خمّمت حتّى لين سهرت عيني
نشّدت سيدي و قلتله نبّيني ** كيف الصّداقة قبل واش اسماها
كيف حالها في عهدكم ورّيني** كيفاش كنتوا سايرين معاها
***
الوالد يقول أصغالي ** أسمع و ما تقاطع حديث لساني
بنخبرك عل سرها في زماني ** زمان فيه كانوا يعرفوا معناها
على جالها كانت ضراري تعاني ** و قدّاش هزّوا الكيد عل سبّاها
***
كانت كما الحوريّه ** شباب زينها موحال يحدث زيّه
يميحولها شيابين و الذّرّيّه ** و كل حد يبغي ودها و رضاها
الواحد عليها يدفع الماليّه ** و عل جالها يقبل يموت فداها
***
قدّاش من يبغوها ** و قدّاش كانت ناسنا يعزّوها
يروموا عليها النّار ما يفوتوها ** عزيز قدرها و ديمة كبير غلاها
اسماها شريفة و ع الشرف ربّوها ** و قلوبهم كيف الذكير رساها
***
راح اسمها و فايدته ** و جي جيل نقّص من قداها وطّى
بدت تايهه ما بينهم تتلطّى ** في وسطهم صارت قليل هناها
اليوم ناس ياسر باسمها تتغطّى ** و في الحق ما هياش عل مبداها
***
الصّحبة بدت صعيبه ** تحوّم على صاحب منين تجيبه
اليا انضام يضحكلك و يستر عيبه ** و لا مرضت يعرف علتك و دواها
صاحب مبادي و يسترك في الغيبه ** و عل كلمته يكمّل وكان عطاها
***
الصّاحب يكون قريعك ** و لا تبيع سرّه لا نهار يبيعك
هو زهاة العين ولد ربيعك ** و ليّام تبدى بينكم مصفاها
انوصّيك ما تصاحبش كان قريعك ** و ثبّت الخطوة قبل ما تخطاها
***
ثبّت اختار أصحابك ** الّي يستروا في حضرتك و غيابك
اليا غلطت ماعادش يفيد عتابك ** اللّوم ما نفع الغالطه و هنّاها
و كل شيء أقرى من قداه حسابك ** راهي المضاهر تاخذك مدعاها
***
صاحب بغير مصالح ** صديق حق راهو لك ودّه صالح
يحمل معاك الوقت مر و مالح ** و كلمة الحاسد فيك ما يرضاها
و الدّهر لا عوّج معاك يكالح ** و يحمي ايّامك لين يصفى ماها
***
ثمّة الصّديق الصّافي ** مصفّي ضميره بيّنه و الخافي
كيف يوعدك راهو حديثه وافي ** نقي قلب منّك نيته مصفاها
ايّاك تترك صحبته و تجافي ** إنت بصحبته ليّام تتحدّاها
***
ابعد على الكذّابه ** و مللّي يخون العهد و القلّابه
و مللّي على الفاني يبيع أصحابه ** حبيب كان روحه صحبته موْطاها
انوصّيك ما تحرثش في الدّبدابه ** ولا يطمعك كثر الوطى لا ثراها
***
خوذ الّنصيحه منّي ** يا طفل كون رزين ما تعجلني
إذا كان تبغي عيشتك متهنّي ** تعدّي حياتك كيف ما ترضاها
أصحاب المصالح من قداهم ونّي ** و تبّع أصحاب العقل صافي ماها
***
انوصّيك خوذ وصيّه ** نصيحة مجرّب خوذها بالنّيّه
لصحاب إذا وصلوا عدد الميّه ** تسعة مع التّسعين غير أنساها
و اللّي قعد خوذه ولد بيتيّه ** يجي حق صاحب كلمته بمعناها
***
الصّاحب الصّافي عزّه ** الصّاحب الصّافي ذخرتك في الكزّه
الصّاحب الصّافي ينعرف في الحزّه ** كان قفتك ثقلت يشيل عراها
و لا انضام انت معاه حمله هزّه ** و واسيه لا الدنيا عطت بقفاها
” الشاعر علي العرضاوي “
***
يصير لا أسف عليها ** بلا أصحاب تبدى آش يعجب فيها
بتموت كل النّاس و تخلّيها ** و ما يدوم فيها كانشي مولاها
و عيش الحياة بالباهية عدّيها ** و صاحب ذراري صاينة مبداها
***
موضوع الصّداقة عجبني ** فتح القريحة لشورها داعبني
انشق بحرها و لوكان بيتعّبني ** و قرّرت باش انعوم ندخل ماها
و وصف الصّداقة خايفه يغلبني ** نعجز انتمّم وصفها و معناها
***
قرّرت ندخل بابه** كما قصر نلقى كاثرات أبوابه
ثم باب فيه صحبة ولد و بابا ** و صحبة أبوّه فرض من مولاها
و لولاد لا كبروا بدو أصحابه ** و الأم تبدى بناتها رفقاها
***
لاكان ربي عانك ** و صاحبت ناس قراب من جيرانك
ايّاك راك توجعه بلسانك ** عليه الرسول و صايته خلّاها
حقّين منّك صونهم في زمانك ** حق جار و الصّحبة بدت معاها
***
باش البشر يتوالف ** وباش ينعدل الكون ما يتخالف
صحبة الرّاجل في طويل السّالف ** لحفظ النّسل يعمر الكون وراها
كما ليدين للمومن و بيها يوالف ** الصّحبة الشّريفة خالقي يرضاها
***
بابا المصالح جيته ** و جايب عليه الشّعر ما خلّيته
ثمّه الّي يصاحب عل مصالح ريته ** و بعد المصالح فرقتك مبهاها
احذر معاه القول لا لاقيته ** يبيع صحبتك لاكان حد شراها
***
بين خاطري و ما بيني ** خمّمت حتّى لين سهرت عيني
نشّدت سيدي و قلتله نبّيني ** كيف الصّداقة قبل واش اسماها
كيف حالها في عهدكم ورّيني** كيفاش كنتوا سايرين معاها
***
الوالد يقول أصغالي ** أسمع و ما تقاطع حديث لساني
بنخبرك عل سرها في زماني ** زمان فيه كانوا يعرفوا معناها
على جالها كانت ضراري تعاني ** و قدّاش هزّوا الكيد عل سبّاها
***
كانت كما الحوريّه ** شباب زينها موحال يحدث زيّه
يميحولها شيابين و الذّرّيّه ** و كل حد يبغي ودها و رضاها
الواحد عليها يدفع الماليّه ** و عل جالها يقبل يموت فداها
***
قدّاش من يبغوها ** و قدّاش كانت ناسنا يعزّوها
يروموا عليها النّار ما يفوتوها ** عزيز قدرها و ديمة كبير غلاها
اسماها شريفة و ع الشرف ربّوها ** و قلوبهم كيف الذكير رساها
***
راح اسمها و فايدته ** و جي جيل نقّص من قداها وطّى
بدت تايهه ما بينهم تتلطّى ** في وسطهم صارت قليل هناها
اليوم ناس ياسر باسمها تتغطّى ** و في الحق ما هياش عل مبداها
***
الصّحبة بدت صعيبه ** تحوّم على صاحب منين تجيبه
اليا انضام يضحكلك و يستر عيبه ** و لا مرضت يعرف علتك و دواها
صاحب مبادي و يسترك في الغيبه ** و عل كلمته يكمّل وكان عطاها
***
الصّاحب يكون قريعك ** و لا تبيع سرّه لا نهار يبيعك
هو زهاة العين ولد ربيعك ** و ليّام تبدى بينكم مصفاها
انوصّيك ما تصاحبش كان قريعك ** و ثبّت الخطوة قبل ما تخطاها
***
ثبّت اختار أصحابك ** الّي يستروا في حضرتك و غيابك
اليا غلطت ماعادش يفيد عتابك ** اللّوم ما نفع الغالطه و هنّاها
و كل شيء أقرى من قداه حسابك ** راهي المضاهر تاخذك مدعاها
***
صاحب بغير مصالح ** صديق حق راهو لك ودّه صالح
يحمل معاك الوقت مر و مالح ** و كلمة الحاسد فيك ما يرضاها
و الدّهر لا عوّج معاك يكالح ** و يحمي ايّامك لين يصفى ماها
***
ثمّة الصّديق الصّافي ** مصفّي ضميره بيّنه و الخافي
كيف يوعدك راهو حديثه وافي ** نقي قلب منّك نيته مصفاها
ايّاك تترك صحبته و تجافي ** إنت بصحبته ليّام تتحدّاها
***
ابعد على الكذّابه ** و مللّي يخون العهد و القلّابه
و مللّي على الفاني يبيع أصحابه ** حبيب كان روحه صحبته موْطاها
انوصّيك ما تحرثش في الدّبدابه ** ولا يطمعك كثر الوطى لا ثراها
***
خوذ الّنصيحه منّي ** يا طفل كون رزين ما تعجلني
إذا كان تبغي عيشتك متهنّي ** تعدّي حياتك كيف ما ترضاها
أصحاب المصالح من قداهم ونّي ** و تبّع أصحاب العقل صافي ماها
***
انوصّيك خوذ وصيّه ** نصيحة مجرّب خوذها بالنّيّه
لصحاب إذا وصلوا عدد الميّه ** تسعة مع التّسعين غير أنساها
و اللّي قعد خوذه ولد بيتيّه ** يجي حق صاحب كلمته بمعناها
***
الصّاحب الصّافي عزّه ** الصّاحب الصّافي ذخرتك في الكزّه
الصّاحب الصّافي ينعرف في الحزّه ** كان قفتك ثقلت يشيل عراها
و لا انضام انت معاه حمله هزّه ** و واسيه لا الدنيا عطت بقفاها
” الشاعر علي العرضاوي “
ليست هناك تعليقات:
إرسال تعليق