" تنهّدت و التنهيد قلبي ضرّه : الشاعر سالم دلنسي "
تنهّدت و التنهيد قلبي ضرّه ** دمع الغلب ما حرّه ** و الرّخص بعد الغلا ما مرّه

***
تنهّدت فوق حسابي ** و بكيت بكيان اليتيم الكابي
على نجع ضاق الذّل حقّه غابي ** و لاطى البلي بالمظلمه و الغرّه
الحيل هابي و القلوب معابي ** و لا من وصل يقدر يبوح بسرّه
***
بدت حزمته مشلومه ** وعملوا السبب و فرزعوله كومه
و حتى العاطي يعملولا خصومه ** يلزّوا الحاوي عليه باش يضرّه
ناوين تقعد خيلنا مهزومه ** و جدّادنا بيناتهم يتهرّى
***
عندي سنين انونّي ** ناديت لا منهو الّي بيا يعاونّي
الصّبر و التّنهيد ملّوا منّي ** خصيص العقل من خلطتي يتبرّى
أعطيه يملى كريشتا متهنّي ** و إسم الكرامة يدفنه مع الدّرّه
***
والله كرهت العيشة ** و طعم الحيي ماعاد يسوى صيشة
قلبي اتعبّى اظلام كيف الهيشة ** و خنق عيشة في ليالي القرّة
على طير شدّوا قصبوله ريشه ** و قدّام عينه يفقصوا في ذرّه
***
في طبيعتي متسامح ** و لاكن عندي في النّوايا ملامح
ولّى الجواد الحق بينا جامح ** و الظّلم ماذا انطلج كرّه و فرّه
ولّيت في باقي حياتي طامح ** ووجه الذليل اش فيه ما يتورّى
***
حناي ناس لنّا مبدأ ** فاهمين و طوالت علينا الجبده
سنين نمخضوا و لا من وصل للزّبدة ** و إلّي تعب رد اللبن للجرّه
حناي جرالنا حكاية السّيد و عبده ** شد كتفه و سيّب أفكاره حرّة
***
حناي ناس أهل ابّادي ** تعبنا شقينا بين جاي و غادي
وال كان يتعدّى علينا حيادي ** جابوه ولّى عريف قاتل جرّه
إلّي سكت عالظّلم ينسى عادي ** وللّي تكلّم لوحوه البرّه
***
و حق النبي و أصحابه ** و لولا عزازة برنا و ترابه
انسكّر ملف الشّعر نقفل بابه ** و لا تشوفني بلفظ الصحيح انسرّه
يولّي غرامي انّوح بالشّبّابة ** على قبر جدّي كل جمعة مرّه
***
لولا عزازة ناسي ** مالشط لظهر الجمل الحاسي
و لحباب في الحاجب و في بوساسي ** في حوشهم ولا من يقولّي برّه
سالم دلنسي انجيب لفظ احساسي ** كان تفهموا لفظ الإحساس و سرّه

تنهّدت و التنهيد قلبي ضرّه : الشاعر سالم دلنسي

" تنهّدت و التنهيد قلبي ضرّه : الشاعر سالم دلنسي "
تنهّدت و التنهيد قلبي ضرّه ** دمع الغلب ما حرّه ** و الرّخص بعد الغلا ما مرّه

***
تنهّدت فوق حسابي ** و بكيت بكيان اليتيم الكابي
على نجع ضاق الذّل حقّه غابي ** و لاطى البلي بالمظلمه و الغرّه
الحيل هابي و القلوب معابي ** و لا من وصل يقدر يبوح بسرّه
***
بدت حزمته مشلومه ** وعملوا السبب و فرزعوله كومه
و حتى العاطي يعملولا خصومه ** يلزّوا الحاوي عليه باش يضرّه
ناوين تقعد خيلنا مهزومه ** و جدّادنا بيناتهم يتهرّى
***
عندي سنين انونّي ** ناديت لا منهو الّي بيا يعاونّي
الصّبر و التّنهيد ملّوا منّي ** خصيص العقل من خلطتي يتبرّى
أعطيه يملى كريشتا متهنّي ** و إسم الكرامة يدفنه مع الدّرّه
***
والله كرهت العيشة ** و طعم الحيي ماعاد يسوى صيشة
قلبي اتعبّى اظلام كيف الهيشة ** و خنق عيشة في ليالي القرّة
على طير شدّوا قصبوله ريشه ** و قدّام عينه يفقصوا في ذرّه
***
في طبيعتي متسامح ** و لاكن عندي في النّوايا ملامح
ولّى الجواد الحق بينا جامح ** و الظّلم ماذا انطلج كرّه و فرّه
ولّيت في باقي حياتي طامح ** ووجه الذليل اش فيه ما يتورّى
***
حناي ناس لنّا مبدأ ** فاهمين و طوالت علينا الجبده
سنين نمخضوا و لا من وصل للزّبدة ** و إلّي تعب رد اللبن للجرّه
حناي جرالنا حكاية السّيد و عبده ** شد كتفه و سيّب أفكاره حرّة
***
حناي ناس أهل ابّادي ** تعبنا شقينا بين جاي و غادي
وال كان يتعدّى علينا حيادي ** جابوه ولّى عريف قاتل جرّه
إلّي سكت عالظّلم ينسى عادي ** وللّي تكلّم لوحوه البرّه
***
و حق النبي و أصحابه ** و لولا عزازة برنا و ترابه
انسكّر ملف الشّعر نقفل بابه ** و لا تشوفني بلفظ الصحيح انسرّه
يولّي غرامي انّوح بالشّبّابة ** على قبر جدّي كل جمعة مرّه
***
لولا عزازة ناسي ** مالشط لظهر الجمل الحاسي
و لحباب في الحاجب و في بوساسي ** في حوشهم ولا من يقولّي برّه
سالم دلنسي انجيب لفظ احساسي ** كان تفهموا لفظ الإحساس و سرّه

ليست هناك تعليقات:

إرسال تعليق

الاشتراك في: تعليقات الرسالة (Atom)